ACTIVIDADES INFANTÍS DE VERÁN 2019

actividadesveran2019

Comezan as vacacións dos/as máis cativos/as e con elas as Actividades Infantís de Verán!!

Como novidade, este ano as Actividades Infantís de Verán (que constan de Ludoteca e Campamento) terán unha maior duración no tempo e darán cobertura a meirande parte do mes de xullo e a metade de agosto.

As actividades terán como obxectivo a diversión e o ocio dos/as participantes, pero tamén a educación e a transmisión de valores sociais importantes (a igualdade, o respecto ao medio ambiente, o traballo en equipo, compañerismo, etc.). 
Haberá xogos ao aire libre, festas temáticas, xincanas, saídas á piscina, excursións, deportes, etc.

O prazo de inscrición para as actividades está aberto dende hoxe, 19 de xuño!

Anótate no CIM do Concello de Viana do Bolo.

DÍA DO ORGULLO LGTBI

DIALGTBI 

Con motivo da celebración o 28 de xuño do Día do Orgullo LGTBI, o Concello de Viana do Bolo e o Centro de Información á Muller (CIM) organizan actividades para conmemorar este día e promover entre a veciñanza vianesa a aceptación da diversidade sexual e a non discriminación. 

O programa comeza co obradoiro "Diversidade sexual na adolescencia", dirixido a parte do alumnado do IES Carlos Casares. A actividade estará impartida pola escritora xuvenil galega Eli Ríos, quen a partir da súa novela "Dx" abordará temas como a diversidade sexual, as relacións consensuadas e o amor na adolescencia... desmentindo e "botando por terra" estereotipos e prexuízos de xénero. 

Para o domingo 23 de xuño contamos coa representación teatral "Elisa e Marcela", que narra a historia de dúas mulleres galegas que se converteron no primeiro matrimonio de persoas do mesmo sexo acontecido en España. A historia, cargada de humor, invítanos a reflexionar sobre os avances acontecidos en torno á aceptación da diversidade de xénero, pero tamén do moito que aínda queda por facer... 

Esperamos a vosa participación!! 

CONVOCATORIA SESIÓN CONSTITUTIVA DA CORPORACIÓN MUNICIPAL E ELECCIÓN DE ALCALDE

EDICTOELECCIONALCALDIA

Plan de Emerxencia da Presa de “ Cenza e Portas”

Plan de Emerxencia da Presa de “ Cenza e Portas”

"VIANA CONTRA O MACHISMO" (Campaña a prol da igualdade de xénero)

viananonmachismo 

O Concello de Viana do Bolo, a través do seu Centro de Información á Muller (CIM), e dentro das medidas do Pacto de Estado contra a Violencia de Xénero do Ministerio de la Presidencia, Relaciones con las cortes e Igualdad, ten previsto levar a cabo durante este mes de xuño a campaña “VIANA CONTRA O MACHISMO”, que busca promover a igualdade entre a veciñanza vianesa

Durante a campaña terán lugar dous obradoiros de sensibilización en igualdade nos centro educativos de primaria e secundaria que chegaran a máis de 100 menores do noso concello.

Ademais, durante todo o mes de xuño terá lugar o reparto de material da campaña “VIANA CONTRA O MACHISMO”. Chapas co logo da campaña e dípticos informativos nos que o obxectivo e implicar a toda a veciñanza vianesa na loita contra o machismo e a violencia machista.

Porque combater o machismo e a violencia machista é cousa de TODAS e TODOS e así o queremos deixar claro durante toda a campaña e durante todo o ano.

 

OBRADOIROS DE ALFABETIZACIÓN DIXITAL (CLASES DE INFORMÁTICA)

DIXITALIZADAS 

O Concello de Viana do Bolo a través do seu Centro de Información á Muller, e en colaboración coa Fundación Mujeres, está a organizar unha serie obradoiros de iniciación e capacitación en informática.

O programa DIXITALIZADAS co que colaboramos oferta alfabetización dixital no ámbito rural a través de 3 obradoiros:

- OBRADOIRO DE HABILIDADES DIXITAIS BÁSICAS

- OBRADOIRO DE HABILIDADES DIXITAIS PARA O EMPREGO

- OBRADOIRO DE HABILIDADES DIXITAIS PARA O EMPRENDEMENTO.

Se estás interesada ou sabes de alguén que o poida estar,ponte en contacto co CIM: 988 329 260

 

Subcategorías