PROGRAMACIÓN POLO 25 DE NOVEMBRO: DÍA INTERNACIONAL CONTRA AS VIOLENCIAS MACHISTAS

fotopresentacion25n 

fotopresentacion25n2

cartel25n2019

 

Con motivo da conmemoración o 25 de novembro do "Día internacional contra a violencia machista", o Concello de Viana do Bolo, a través do seu Centro de Información á Muller (CIM), organiza unha serie de actividades e actos durante este mes de novembro.

As actividades son moitas e moi variadas e con elas preténdese sensibilizar a toda a veciñanza vianesa contra a lacra que supón a violencia machista.

Este ano, e por segundo ano consecutivo, o Concello de Viana do Bolo adheriuse á campaña de sensibilización “En negro contra as violencias”, unha campaña que conta xa coa adhesión de máis de 100 concellos de toda Galicia e coa que se pretende implicar a toda a sociedade na loita contra a violencia. Por esta razón o lema deste ano volverá ser “VIANA EN NEGRO”.

Con este lema o Concello de Viana ten preparada a distribución de diverso material (pegatinas, mochilas, camisetas, etc.) para repartir entre os establecementos comerciais de Viana do Bolo e tamén entre os/as veciños/veciñas que participen nas actividades e actos organizados. 

Nos próximos días ampliaremos a información sobre cada unha das actividades!! 

VIANA EN NEGRO!!     VIANA CONTRA AS VIOLENCIAS!!

ROSA CARAMELO APRAZADO

Por causas alleas ao Concello de Viana do Bolo queda aprazada a representación teatral "Rosa Caramelo" prevista para mañá.

Daremos máis información sobre a nova data de realización nos vindeiros días.

Perdoade as molestias

 

 

carameloaprazado

PROGRAMACIÓN 1 E 2 DE NOVEMBRO

SAMAIN2019 

rosacaramelo 

bigfish 

magosto2019 

Durante esta ponte de novembro hai moito que facer en Viana do Bolo!! 

Comezamos hoxe mesmo cunha terrorífica exposición de cabazas de Samaín elaboradas polo alumnado do CEIP Bibei.

Mañá 1 de novembro teatro familiar con "Rosa Caramelo" e a súa historia de loita pola liberdade e a igualdade.

O sábado 2 de novembro proxección do fermoso filme "Big Fish" da man do Cine- Clube A Lanterna e para rematar a xornada celebración do Magosto popular a partir das 20:30h no Campo da feira, onde haberá bullotes, bolos preñados, bica etc. , música, sorteos e moita diversión.

 

PRESENTACIÓN DE ELEMENTOS PATRIMONIAIS NAS PARROQUIAS DE VIANA DO BOLO

presentacion3010 

presentacion3011 

presentacion3012

presentacion3015

presentacion3017 

presentacion3019 

presentacion3022 

O Concello de Viana do Bolo vén de estrear un novo proxecto de sinalización interpretativa do patrimonio cultural do concello. Os traballos, nos que o goberno local e a Secretaría de Turismo da Xunta de Galicia investiron 32.350 €, centráronse en trece parroquias do municipio, onde se instalaron placas interpretativas nos principais monumentos.
Estamos en vísperas dunha ponte. Aproveitamos para presentar este traballo que ten que ver moito coa dinamización turística e da posta en valor do noso patrimonio cultural, etnográfico, paisaxístico...  Neste caso incorporamos tamén a edición de planos guia para os/as visitantes.

MÁIS INFORMACIÓN SOBRE A SINALIZACIÓN TURÍSTICA

IV CICLO DE OUTONO TEATRAL

ivciclooutono 

foto1ciclo 

casaorei  

 running 

hanselygretel 

 

O Concello de Viana do Bolo organiza durante o mes de outubro a súa IV Edición do Ciclo de Outono Teatral.

Un evento que este ano contará con tres importantes e recoñecidas representacións teatrais para tódolos gustos e idades:

Comeza este IV Ciclo de Outono o domingo 13 de outubro coa obra “CASA O REI” de Santiago Cortegoso, quen propón un xogo escénico e dramatúrxico baseado na obra “Rei Lear” de W. Shakespeare, pero ambientado nunha típica casa de comidas galega.

A obra conta con numerosos premios (ex. Mellor Montaxe no Certame de Teatro Garnacha de Rioja, Mellor Actor Protagonista e Mellor Música Orixinal nos Premios María Casares, etc.) e cun elenco de actores con recoñecido prestixio.

A segunda xornada terá lugar o sábado 19 de outubro coa comedia teatral “RUNNIG”, que nos achega a historia amorosa Julia e Román, cargada de humor e problemas da vida actual. No escenario, unha actriz e un actor que terán que suar a camisa para poñerse na pel de todas as persoaxes desta comedia vertiginosa.

Para rematar, o sábado 26 de outubro contamos co espectáculo musical dirixido a público familiar “HANSEL E GRETEL”. Tomando como base o conto dos irmáns Grimm faise unha satírica crítica ao capitalismo, o consumo excesivo de bens innecesarios, e o poder da banca. Diferentes niveis de lectura para rapaces e para adultos.

Subcategorías